Peule het beter voedingswaarde – Dis peulgewassedagFebruary 10, 2023
Die Verenigde Nasies se Voedsel- en Landbou-organisasie herdenk Wêreld-peulgewassedag. Die tema is ‘Peule vir ‘n Volhoubare Toekoms’ en beklemtoon die voordele wat peulgewasse aan landbouvoedselstelsels en die omgewing bied. ‘n Landboukundige en raadslid van die Slow Food-organisasie, Francesco Sottile, sê peulgewasse heg stikstof uit die atmosfeer en stel dit aan plante beskikbaar, wat die inset van sintetiese kunsmis verminder. Peulgewasse verskaf voeding en bioverskeidenheid as gevolg van hul lae waterverbruik en hoë voedingswaarde.