Ox is opgewonde om na besering weer uit te draf

Daar is twee opwarmingswedstryde oor voordat die Springbokke hul Wêreldbeker-verdediging in Frankryk begin. Suid-Afrika pak Wallis Saterdag in Cardiff, met kaptein Siya Kolisi, skrumskakel Jaden Hendrikse, en stut Ox Nche wat gereed is om hul eerste toets van die jaar te speel. Nche keer terug van ‘n borsbesering en sê hy sien daarna uit om weer uit te draf.