Oliediewe kom hul Moses tee

Nigerië se weermag sê hy het Islamitiese militante groepe in die noorde en oliediewe in die suide van die land swaar verliese toegedien in ‘n weeklange operasie. ‘n Verdedigingswoordvoerder, generaal-majoor Edward Buba, sê 188 militante is gedood of gewond. Ses-en-dertig vermeende oliediewe is in die Niger-delta-streek gearresteer en 133 ontvoeringslagoffers is bevry. Troepe het 51 putte, 24 bote, 21 opgaartenks en meer as 20 onwettige olieraffineringsfasiliteite vernietig, en byna 700 000 liter gesteelde ru-olie teruggekry.