Nuwe atletiek byeenkoms kom in 2026

Wêreld-atletiek stuur in 2026 ‘n nuwe driedaagse globale kampioenskap aan die einde van die seisoen van stapel om die gaping tussen die Olimpiese Spele en die Wêreldkampioenskap te vul. Wêreld-atletiek se Ultimate-kampioenskap sal elke twee jaar gehou word. Dit wil die beste baan-en-veld-atlete lok, met die eerste byeenkoms van 11 tot 13 September 2026 in Boedapest, Hongarye. Gouemedaljewenners sal elk 2,8 miljoen Suid-Afrikaanse rand kry uit algehele prysgeld van 187 miljoen rand, die meeste ooit in die sport. Tot 16 van die wêreld se top-gekeurde atlete sal aan elke item deelneem.