Numsa volhard met staking by SA Steel Mills

Die metaalwerkersvakbond, Numsa, sê hy gaan voort met sy staking by South African Steel Mills wat as Alfeco Holdings handeldryf. Dit volg nadat die staalvervaardiger volgens berigte meer as 100 werkers afgedank het omdat hulle deelgeneem het aan ʼn staking wat volgens die Arbeidshof wettig was. Die vakbond het Dinsdag ʼn plakkaatbetoging gehou by die maatskappy se kantoor in Meyerton, suid van Johannesburg. Die vakbond se woordvoerder, Phakamile Hlubi-Majola, sê die land het werkers te lank onregverdig behandel.