Nog migrante dood, vermis na twee bote sink

Minstens elf migrante is dood en meer as 60 word vermis nadat twee bote aan die suidelike kus van Italië gesink het. Die Duitse liefdadigheid, RESQSHIP, sê hy het 51 mense van ʼn sinkende houtboot gered. In ʼn ander voorval is meer as 60 mense as vermis aangemeld waarvan 26 vermoedelik kinders is. Die bote het migrante uit Libië en Turkye aan boord gehad. Volgens VN-inligting is meer as 23 500 migrante sedert 2014 in die Middellandse See dood of word vermis.