‘Niemand weet’ hoeveel Israeliese gyselaars leef nie

‘n Senior Hamas-amptenaar sê dat “niemand ‘n idee het” hoeveel van die 120 oorblywende gyselaars in Gaza nog leef nie. In ‘n onderhoud met CNN het Hamas-woordvoerder en politieke buro-lid Osama Hamdan gesê: “Ek het geen idee daaroor nie. Niemand het ’n idee hieroor nie.” CNN berig dat hy beweer het – sonder om enige bewyse te verskaf – dat die Israeliese operasie Saterdag om vier gyselaars te bevry, gelei het tot die dood van drie ander, insluitend ‘n Amerikaanse burger. Hamdan sê enige ooreenkoms om die gyselaars wat in Gaza aangehou word vry te laat, sal waarborge van ‘n permanente wapenstilstand en die volledige onttrekking van Israeliese magte uit Gaza moet insluit.