Nie veldbrand buite Windhoek, maar beheerde brand

‘n Video van ‘n dik kolom rook buite Windhoek word op sosiale media versprei. Die video is geneem vanaf Amazing Kids Privaatskool in Cimbebasia, en daar word gegis oor of dit ‘n groot veldbrand kan wees. Fillipus Sikongo, senior stasiebeampte van die Stad Windhoek se Brandweer, sê egter daar’s nie rede tot kommer nie. Dit is ‘n beheerde brand wat beperk is tot die Kupferberg stortingsterrein, en daar is ‘n brandweerspan op die toneel.