Neem deel aan Stad Windhoek se opname!

Die Stad Windhoek nooi inwoners uit om vanaf 6 November tot die einde van die maand deel te neem aan ‘n opname om te bepaal of sy kommunikasie doeltreffend is en aan inwoners se behoeftes en verwagtinge voldoen. Die opname sal die stad se webwerf, sosiale media, nuusbriewe en e-posse dek. Terugvoer sal ingesamel word deur aanlyn opnames, aangesig-tot-aangesig onderhoude asook telefoniese onderhoude. Veldwerkers sal ook by verskeie Stad Windhoek kontantsale, kliëntedienskantore en kiesafdelingskantore regdeur die Khomas-streek diens doen. Die Stad maan dat geen huisbesoeke gedoen sal word nie, dus moet inwoners niemand in hul huise toelaat wat voorgee dat hulle daar is vir die opname nie.