NDF werf al weer

Die Namibiese Weermag beplan om in Maart volgende jaar 1 500 nuwe lede oor al 14 streke te werf deur die NDF-werwingsbeplanningskomitee. Die rekrute sal gedurende die 2024/25-boekjaar vir nege maande basiese opleiding by die weermag se opleidingsinstelling in Okahandja ondergaan. Belangstellende kandidate moet Namibiese burgers wees en moet tussen die ouderdomme van 18 en 25 wees. Kosmos 94.1 Nuus het met verdediging-minister Frans Kapofi gepraat, wat sê die doel is nie net om werkloosheid onder die jeug aan te spreek nie, maar om die weermag op te gradeer.