NDF: 1 600 rekrute bekend, meld middel-November aan

Die Namibiese weermag het vandag die name van sy rekrute vir sy nuwe inname bekend gemaak. ‘n Totaal van 1 600 kandidate moet by die Osona-weermagbasis vanaf 13 tot 15 November aanmeld tussen agt-uur en vyf-uur. Rekrute moet hulle identiteitsdokumente, hoogste kwalifikasie, geboortesertifikaat, belastingsertifikaat, bank bevestigingsbrief, Covid-inentingskaart indien. Gesertifiseerde afskrifte van begunstigdes se ID-dokumente moet ook ingedien word. Geen selfone word toegelaat nie. Rekrute wissel van 108 tot 137 elk uit al 14 streke.