Ndeitunga stig forum vir weiding in Angola

Die goewerneur van die Ohangwena-streek, Sebastian Ndeitunga sê die forum van goewerneurs van streke wat aan Angola grens spanning in verband met weiding kan verlig. Angolese boere sit die afgelope twee jaar met hulle hande in hulle hare omdat Namibiese vee-eienaars blykbaar kanse vat met beskikbare weiding aan die Angolese kant. Volgens wat berig word het sommige reeds strukture in die buurland opgerig terwyl ander reeds mahangu-lande aangeplant het. Die praktyk, wat eeue reeds duur, is die rede vir die rooilyn omdat Angola nie sy bek- en klouseer onder beheer het nie.