Navalny se weduwee praat by EU vergadering

Die weduwee van Alexei Navalny, Russiese president Vladimir Poetin se aarts-opposisie wat verlede week in ‘n Arktiese tronk gesterf het, sluit vandeesweek by ‘n vergadering van EU-ministers van buitelandse sake in Brussel aan. Yulia Navalnaya het aan ’n Westerse byeenkoms van leiers, diplomate en ander amptenare in München gesê Poetin en sy bondgenote sal verantwoordelikheid dra “vir wat hulle aan ons land, aan my familie, aan my man gedoen het”. Die vergadering sal ondersteuning aan vryheidsvegters in Rusland beklemtoon en die nagedagtenis van Alexei Navalny eer.