Nauyoma se borg-uitspraak eers Maandag

Die NEFF-aktivis Dimbulukeni Nauyoma se aansoek om borgtog vandag in die Windhoekse landdroshof in Katutura, is weer uitgestel. Landdros Olivia van der Colf sal haar uitspraak op Maandag 3 April bekend maak. Nauyoma bly dus, net soos sys mede-aktivis, Michael Amushelelo, nog in aanhouding. Vroeër vandag het die regsverteenwoordiger van Amushelelo, Kadhila Amoomo, gesê hy het die dienste van ‘n advokaat ingeroep om te help met Amushelelo se verdediging en hy het tyd nodig om die saak te bestudeer en te konsulteer.