NASA sê dit is ‘n week vol ‘verskietende sterre’

NASA stel voor dat sterrekykers snags tussen middernag en 05:30 na buite beweeg om die meteore te sien wat na verwagting in die noordoostelike gedeelte van die atmosfeer sal verskyn. Die piek-periode in ‘n meteoriet-reën vind gewoonlik plaas wanneer die lug donker is met geen maan nie, wat die perfekte agtergrond vir so ‘n kosmiese gebeurtenis vorm.

“Probeer om by die donkerste plek te kom wat jy kan. Hoe donkerder dit is waar jy is, hoe meer meteore sal jy oor die lug sien streep,” het NASA in ‘n persverklaring geskryf.

Die Perseïdes-meteoorreën het op 14 Julie begin en sal tot 1 September voortduur.

As jy na die meteoorreën wil kyk, moet ‘n mens eers ‘n plek buite ‘n stad of dorp vind wat baie min ligbesoedeling en ‘n duidelike uitsig oor die hemelruim het. Om die meteoriet-reën op te spoor, moet sterrekykers die Perseus-konstellasie vind wat die 24ste grootste konstellasie in die lugruim is. In die naghemel is hierdie konstellasie in die noordelike streek geleë.

Nadat jy ‘n donker genoeg plek gevind het, hoef jy net op te kyk na die sterre. Die meteore sal die helderste verskyn wanneer dit die donkerste in die naghemel is, in die voor-dagbreek ure nadat die maan ondergegaan het en die son nog nie begin opkom het nie. Sterrekykers moet vermy om na hul selfone of enige bronne van wit lig te kyk wanneer hulle meteore bekyk, want dit sal hul nagvisie versteur. Mense moet ook vermy om ‘n teleskoop of verkyker te gebruik om die Perseïde op te spoor.