Namport Walvisbaai los hande voor met invoere

Die Namibiese Statistieke-agentskap het ‘n volledige ontleding van invoere by die land se grense vir Junie bekend gemaak. Die statistiek is uiters interessant. By Walvisbaai het Namport invoere van amper 6,3 miljard Namibiese dollar hanteer met die Trans-Kalahari grenspos wat amper 2,4 miljard dollar se goedere hanteer het. Derde is Ariamsvlei op 2,1 miljard dollar en dan Noordoewer op amper 1,1 miljard dollar. By Katima Mulilo is 554 miljoen dollar se goedere ingevoer. Die Lüderitz-hawe het 330 miljoen dollar hanteer en Oranjemund, 48 miljoen dollar. In terme van uitvoere het Katima se grenspos amper 1,2 miljard dollar se goedere uitgevoer met Namport by Walvisbaai wat 6,4 miljard dollar se goedere uitgevoer het.