Namport hanteer meer vrag

Die Namibiese Hawe-owerheid (Namport) het in die 2022-2023-boekjaar ‘n verhoogde volume in nie-verpakte vrag van oor die 7,69 miljoen ton aangeteken, vanaf net meer as 6,5 miljoen ton wat in 2021-2022 aangeteken is. Andrew Kanime, uitvoerende hoof van Namport, sê die toename is aangevul deur verhoogde uitvoer- en invoerhouervolumes, asook verhoogde aktiwiteite in die petroleumproduktesektor. Namport het ook sy voetspoor suksesvol na binnelandmarkte uitgebrei en groter volumes vanaf Botswana en Zambië begin hanteer.