Namibiërs skuld N$7,2 miljard aan mikroleners

Namibiërs skuld mikroleners 7,2 miljard Namibiese dollar. Namfisa sê net meer as 221 800 individue het skuld by mikroleners in 2023 gemaak en die skuldlas het in die jaar met 6,1 persent gegroei. Die meerderheid van die lenings is termynlenings wat beteken dat ‘n bedrag geld oor ‘n bepaalde tydperk afbetaal word. Namibiese huishoudings is onder toenemende druk veral met hoë rentekoerse en kospryse wat maandeliks styg.