Namaf hanteer N$5,35 miljard se eise

Die Namibiese Vereniging van Mediese Fondse, bekend as Namaf, sê hy het in 2022 5,35 miljard Namibiese dollar uitbetaal, wat beteken elke lid het gemiddeld 25 240 dollar geëis. Van die totale bedrag het privaathospitale 1,67 miljard dollar geëis, of ongeveer ‘n derde van die totaal. Medisyne het amper 17 persent beslaan met spesialiste wat 12 persent van die kostes was. Algemene mediese praktisyns het amper 10 persent van die totaal geëis. Namaf sê 2022 se totale uitbetalings is hoër as die gemiddeld voor die pandemie.