N$73,5m se Namib Naukluft-konsessies toegestaan

Die Namibiese omgewingsministerie het konsessies ter waarde van 73,5 miljoen Namibiese dollar aan drie maatskappye vir die Namib Naukluftpark toegestaan. Dit sluit in toere vanaf Lüderitz na Walvisbaai en Meobbaai, asook Lüderitz na Walvisbaai en Lüderitz na Saddle Hill, en Solitaire na Conception-baai sowel as Walvisbaai na Conception-baai. Sandwich Dune Tours and Safaris, Desert Magic Tours saam met Namdrenaline Tours en Joan Car Hire het die konsessies, wat vir 12 jaar geldig is, ontvang. Paaiemente van net meer as 510 500 dollar sal maandeliks aan die ministerie gemaak word.