N$65,3m se skuld in mosiehof opgeëis

Die mosiehofrol was stewig vanoggend met 118 aansoeke vir verstekvonnisse waarvan tien op die reël 108-rol was. Regters Boas Usiku en Kobus Miller het 57 aansoeke deur kommersiële banke in die twee sessies hanteer met een voertuig wat terugbesorg moet word en 21 agterstallige lenings ter waarde van net meer as 19,5 miljoen Namibiese dollar nou betaalbaar is. ‘n Totaal van 35 eiendomme, met skuld van amper 45,8 miljoen dollar, is opgeëis. In Maandag se sessie hanteer regter George Coleman 53 onverdedigde egskeidings.