Motorsport: Aussie Daniel Ricciardo uitgerus

Motorsport: Die Australiër Daniel Ricciardo sê ná ‘n blaaskans van sewe maande voel hy uitgerus en gereed om die naweek in die Hongaarse Grand Prix te jaag. Die 34-jarige renjaer het Nyck de Vries in Red Bull se Alpha Tauri-span vervang nadat die Nederlander verlede week afgedank is. Ricciardo se McLaren-kontrak is verlede seisoen ‘n jaar te vroeg beëindig en hy was sedert die begin van die jaar Red Bull se reserwebestuurder. Hy sê sy terugkeer na Formule Een is vroeër as wat hy verwag het.