Mosiehof sien een eis van N$37,5m

Regters Orben Sibeya en Shafimana Ueitele het vanoggend se mosiehofsessies in die hoofstad hanteer. Daar was 88 aansoeke op die rol waarvan 13 reël 108 aansoeke was. Kommersiële banke het 45 aansoeke gehad met 21 lenings ter waarde van 8,3 miljoen Namibiese dollar wat opgeëis is. ‘n Totaal van 24 eiendomme word ook teruggevra met ‘n totale skuldlas van 66,3 miljoen dollar. Daar was een reuse-eis van net minder as 37,5 miljoen dollar deur Bank Windhoek van een maatskappy. Daar is geen sessie vir Maandag geskeduleer nie.