Moenie nou al geld bestee op bestrede NGV nie: AfriForum

AfriForum waarsku die gesondheid-departement teen voortydige besteding aan die instelling van Nasionale Gesondheidsversekering. Die burgerregte-organisasie voer aan stappe soos die opstel van regulasies en die saamstel van bestuurstrukture vir die NGV, moet teruggehou word totdat al die regsgeskille afgehandel is. Woordvoerder Louis Boshoff spreek sy kommer uit oor die gebruik van belastingbetalers se geld vir ʼn stelsel wat as ongrondwetlik verklaar kan word en moontlik alle voorbereidings tot niet sal maak.