Mexikaanse burgemeester trou met krokodil-wyfie

‘n Burgemeester in Mexiko het met ‘n krokodil-wyfie getrou in ‘n tradisionele seremonie wat glo geluk aan sy mense sal bring. Victor Hugo Sosa het met die kaaiman-reptiel genaamd Alicia Adriana getrou wat beskou word as ‘n voorvaderlike ritueel. Tradisioneel word die wese die “prinsesmeisie” genoem en die burgemeester het gesê die paartjie “het mekaar lief gehad”. Omstanders het hande geklap en gedans in San Pedro Huamelula, ‘n dorp van inheemse Chontal-mense, in suidelike Mexiko, terwyl hulle die heilige huwelik bevestig het. Die bevestiging van ‘n huwelik tussen ‘n man en ‘n vroulike kaaiman vind al 230 jaar daar plaas om die vrede tussen die Chontal- en Huave-inheemse groepe te herdenk. Die burgemeester, wat die Chontal-koning verteenwoordig, trou met die reptiel, wat ‘n Huave-prinsesmeisie simboliseer, om ‘n unie tussen die twee gemeenskappe te skep. Kaaimane woon in vleie en is endemies in Mexiko en Sentraal-Amerika.