Metrorail gefrustreerd oor toename in kabeldiefstal

Metrorail in die Wes-Kaap spreek kommer uit oor die toename in kabeldiefstal, wat gelei het tot kritieke spoorroetes se ontwrigting en pendelaars verlede week gestrand gelaat het. Metrorail se bedryfsbestuurder, Raymond Maseko, sê in weerwil van kabelvervangings gaan diefstal ongebreideld voort, en word spoorinfrastruktuur en -bedrywighede ernstig geraak.