Metcalfe sê Uumati se vertrek was met ooreenkoms wat bereik is

Die besturende direkteur van Erongo Marine Enterprises, dr. Martha Uumati, is nie meer aan die maatskappy verbonde nie, in terme van ‘n onderlinge ooreenkoms. Daar was spanning tussen haar en Oceana Group, waarvan Erongo Marine ‘n filiaal is, nadat Oceana se uitvoerende hoof, Neville Brink, haar op 13 Februarie as besturende direkteur van EME en raadslid geskors het. Kosmos 94.1 Nuus het gepraat met Uumati se prokureur, Richard Metcalfe van Metcalfe Beukes Prokureurs, wat beklemtoon dat sy nie bedank het nie, maar dat dit ‘n wedersydse ooreenkoms was om die werksverhouding te beëindig.