Mej. Namibië is ‘Face Of The Universe’

Die Miss Universe 2023 skoonheidskompetisie wat in San Salvador in El Salvador gehou is, is gewen deur Mej. Nicaragua, Sheynnis Palacios. Namibië se Jameela Uiras het die top 20 gehaal en die Miss Universe Beauties se ‘Face Of The Universe’-toekenning gewen. Uiras het die meeste stemme gekry in hierdie kompetisie, na bewusmakingsveldtogte deur verskeie mense op sosiale media, wat die insameling van fondse ingesluit het om meer stemme te koop. Die hoof uitvoerende beampte van Mej Namibië, Umbi Karuaihe-Upi, bedank Namibiërs vir hul ondersteuning.