Mediamagnaat Rupert Murdoch, 93, vyfde keer voor kansel

Die 93-jarige mediamagnaat en miljardêr, Rupert Murdoch, is die vyfde keer getroud. Hy en die 67-jarige afgetrede Russiese bioloog, Elena Zhukova, het in Kalifornië afgehaak. Hulle het by ʼn partytjie ontmoet wat een van Murdoch se eksvroue, die Chinees-gebore entrepreneur Wendi Deng, gehou het. Murdoch se New York-gebaseerde maatskappy, News Corp, besit honderde plaaslike, nasionale en internasionale digitale nuusplatforms, insluitend die Wall Street Journal, Fox News en Sky News Australia. Hy het verlede jaar ná sewe dekades afgetree as voorsitter van Fox en News Corp.