Mariah Carey se ma, suster sterf op dieselfde dag

Die Grammy-bekroonde sangeres, liedjieskrywer en vervaardiger, Mariah Carey, het die afgelope naweek die dood van haar ma, Patricia, en suster, Alison, albei op dieselfde dag, aangekondig. Die 55-jarige het haar diepe hartseer uitgespreek en gesê sy is dankbaar dat sy haar ma se laaste week saam met haar deurgebring het. Besonderhede oor die oorsake van hulle dood is nog onbekend. Patricia was ‘n voormalige operasangeres en stem-afrigter. Carey se ingewikkelde verhoudings met haar ma en suster is gedokumenteer in haar 2020-memoir, The Meaning of Mariah Carey.