Maree pleit onskuldig, staat lê sy saak uit

Die oud-polisieman en vermeende pedofiel Johan Maree se saak duur vandag voor regter Philanda Christiaan voort. Maree het onskuldig op 74 klagte wat kinderpornografie, verkragting en meer insluit, gepleit. Daar is 15 minderjarige seuns by die saak as slagoffers betrek. Volgens die staat het Maree van die beeldmateriaal op die donkerweb verkoop en het 77 000 Namibiese dollar, almal van oorsese kopers, daarmee verdien. Hy is in April 2020 gearresteer na die polisie in die Nederland hulp van plaaslike owerhede gevra het.