Man, 39, vas vir die verkragting van meisie, 12

Nog ‘n gru-verkragting is in die noordelike streke aangemeld met die Oshikoto-polisie wat sê ‘n meisie van 12 is Dinsdag op ‘n plaas in die Tsumeb kiesafdeling deur ‘n man, 39 jaar oud, verkrag. Die verdagte is in hegtenis geneem maar owerhede het nie veel inligting oor die voorval gedeel nie en ook niks gesê oor hoe die twee mekaar ken nie. Die ondersoek duur voort en dit is nie bekend wanneer die verdagte vandag verskyn het of nie.