Magudumana se skeiding van borgaansoek is strategies 

’n Regskenner sê die stap deur die regspan van die moordenaar Thabo Bester se minnares, Nandipha Magudumana, om haar borgtogaansoek van dié van haar medebeskuldigdes te skei, kan strategies wees. Magudumana en haar medebeskuldigdes het Donderdag in die landdroshof in Bloemfontein aansoek gedoen om borgtog. Die medebeskuldigdes se saak gaan vandag voort, maar Magudumana se aansoek word eers Dinsdag aangehoor. Die regsgeleerde Ulrich Roux het gesê dit kan wees om eers te kyk wat die staat se bewyse is.