Macron sê hy wil oningeënte persone irriteer

Die Franse President Emmanuel Macron het hewige kritiek uitgelok oor sy aanmerkings dat hy landsburgers wat nie ingeënt is nie, wil irriteer en kwaad maak, maar sy taalkeuse was effe meer kru. Hy sê hy sal aanhou om aan hulle te krap met reëls en regulasies. Hy sê hy sal hulle nie in die tronk gooi nie maar, vanaf 15 Januarie sal hulle nie meer ‘n restaurant, teater, koffiewinkel of kroeg kan besoek nie. Op die oomblik, kan Franse burgers met ‘n negatiewe PCR-toets toegang kry maar dit sal volgens berigte aangepas word sodat net ingeënte persone toegelaat sal word.