Maandelikse lewenskoste in Nam is N$15 300

Lewenskoste verskil baie van land tot land, volgens Wisevoter, ‘n toonaangewende data-gedrewe platform in Amerika. Sekere lande, soos dié in Wes-Europa, is geneig om ‘n baie hoër lewenskoste te hê as ontwikkelende lande. Namibië se lewenskostes volgens Wisevoter, is net minder as 15 300 Namibiese dollar maandeliks. Kosmos 94.1 Nuus het gesels met die ekonoom Salomo Hei, besturende direkteur van High Economic Intelligence, wat sê die verslag toon die land se hoër-middelinkomste status.