Maak so met slange – en wees versigtig!

Soos die somerhitte en reënseisoen posvat het slangaktiwiteit toegeneem. Daar is gereeld berigte van slange wat van eiendomme in Windhoek en omliggende plase verwyder word. In reaksie hierop is bewusmakingsveldtogte aan die gang om die publiek op te voed oor hoe om veilig met slange saam te leef en risiko’s te verminder. Kosmos 94.1 Nuus het met veearts Theuns Laubscher van die Windhoek Veeartsenykliniek gesels, wat verduidelik hoekom slange nou aktief is en wat gedoen moet word as jy met hulle in aanraking kom.