Maak julself reg om te lei, sê Geingob aan Franse studente

President Hage Geingob, wat op pad is na New York om die 78ste sessie van die Verenigde Nasies se Algemene Vergadering by te woon, het in Frankryk by die SciencesPo universiteit in Parys aangedoen. Hy het ‘n toespraak gelewer voor dosente en studente oor klimaatsverandering, vrede en veiligheid in Afrika, en die hervorming van multilaterale instellings. Die president het ook aan die studente gesê hulle moet in gereedheid kom sodat jongmense leidende posisies kan begin beklee.