Lughawensmaatskappy reg vir Aviadev-konferensie

Globale lugvaartbedryfleiers sal van 19 tot 21 Junie in Windhoek vergader vir die Aviation Development, of Aviadev, Afrika-konferensie, wat deur die Namibië Lughawensmaatskappy by die Movenpick Hotel aangebied word. Hierdie jaarlikse forum sal invloedryke belanghebbendes, insluitend lugrederye, lughawens, toerismerade, regeringsamptenare en kundiges in die bedryf bymekaarbring om samewerking te bevorder, strategiese vennootskappe te smee en geleenthede te verken wat nuwe lugroetes regoor Afrika sal lewer. Kosmos 94.1 Nuus het gesels met Dan Kamati, die Lughawensmaatskappy se woordvoerder, wat sê hulle voorbereidings vorder goed.