Lufthansa voltooi oudit, invoere vanaf Frankfurt vanaf Maandag toegelaat

Lufthansa het sy oudit voltooi en het aangekondig dat invoere vanaf Frankfurt-lughawe in Duitsland, na Namibië, op 13 November sal hervat. Dit volg na Paragon Aviation reeds in September sy RA3-sertifisering vir die EU ontvang het maar nog moes voldoen aan ander regulasies. Lufthansa het onlangs aan Kosmos 94.1 Nuus bevestig dat as deel van die redery-groep se globale standaarde, moet elke grondhantering diensverskaffer gereelde oudits ondergaan vir voldoening aan die Europese Lugvaart Veiligheid-agentskap en die regulasies van die Lufthansa Groep. Uitvoere vanaf Namibië is nog nie in plek nie maar stappe om dit te bewerkstellig sal na verwagting nou begin.