Lufthansa land nou by Krugerwildtuin

Mpumalanga se premier, Refilwe Mtshweni-Tsipane, het aangekondig Lufthansa Airlines gaan ‘n roete instel vanaf Frankfurt in Duitsland na die Kruger Mpumalanga Internasionale Lughawe. Mtshweni-Tsipane sê daar is deurlopend gesprekke met Europese lugdienste vir regstreekse roetes na die provinsie. Sy sê die stap sal die ekonomie ‘n hupstoot gee, beleggers lok en werk skep.