Lüderitz-dorpsraad vergader met Mbumba

President Nangolo Mbumba het tydens sy besoek aan Lüderitz vergader met die dorp se leierskap sowel as sakebestuurders. Tydens die ontmoeting is president Mbumba ingelig oor die verwagte projekte wat vir Lüderitz in die vooruitsig gestel word en hoe die dorp voorberei om hierdie ontwikkelingsprojekte te akkommodeer. Phil Balhao, burgemeester van die dorp het met Kosmos 94.1 Nuus gesels oor die besprekings.