Liz Truss storm van verhoog na slaaibanier-poets

Die voormalige Britse eerste minister, Liz Truss, het van die verhoog gestorm nadat ‘n banier met ‘n kropslaai en die woorde, “I crashed the economy” agter haar verskyn het. Sy het as deel van ‘n boektoer vrae uit die gehoor beantwoord toe die banier uit die plafon neergesak het. Dit het verwys na ‘n kropslaai wat Daily Star gestroom het om te kyk of dit verlep voor haar premierskap eindig. Sy het na 49 dae uit haar pos bedank en die koerant het die kropslaai tot wenner verklaar.