Lid van Zim-opposisie dood, vermoedelik Zanu-PF se lede

’n Ondersteuner van Citizens Coalition for Change, die Zimbabwiese opposisie-party, is dood tydens skermutselings met vermeende Zanu-PF-ondersteuners in Glen Norah, Harare, terwyl humeure opgevlam het voor algemene verkiesings in die land. Die ondersteuner, geïdentifiseer as Tinashe Chitsunge, is dood nadat ‘n groep van die party se jeugdiges in ‘n vragmotor lokval gevang is op pad na ‘n saamtrek. Fadzayi Mahere, partywoordvoerder, het ‘n video op haar Twitter-blad gedeel van die gebeure. In die video word gewys hoe die vermeende Zanu-PF-ondersteuners, insluitend kinders, die vragmotor volg en klippe gooi. Die jeugdiges het terugbaklei maar is oorweldig.