Lenings help niks sonder spoorlyne

‘n Totaal van 2.6 miljard Namibiese dollar se lenings van die Suid-Afrikaanse Ontwikkelingsbank is onlangs deur TransNamib aangekondig. Die lenings sal die spoorvervoerder toelaat om sy ontwikkelingsdoelwitte te bereik. Maar, die maatskappy moet dit binne vyf jaar terugbetaal. Nico Smit, skadu-finansminister van die PDM, sê dit help niks as die spoorlyne, wat onder die werke-ministerie ressorteer, nie in plek is nie.