Lekker rugbynaweek vir aanhangers

Nog ‘n volgepakte dag van toetsaksie wag môre op geesdriftiges. Behalwe vir Namibië wat Portugal aanvat in die hoofstad, sal Amerika teen Skotland in Washington speel, Kanada en Romenië pak mekaar in Ottowa en Samoa kom in Apia te staan teen Spanje. Dan is dit Nieu-Seeland teen Engeland in Auckland, gevolg deur Australië teen Wallis in Melbourne. Japan en Georgië bots in Sendai, en dan is daar die grote tussen die Springbokke en Ierland in Durban. Argentinië en Frankryk ding mee in Buenos Aires, en Chili en België speel in Viña del Mar teen mekaar.