Lekker! Dis tyd vir die Abenab Sekuritas Slaglam-boeredag

Die Abenab Sekuritas Slaglam-boeredag vind weer Saterdag op 28e Oktober op die plaas Bergen naby Tsumeb plaas om die beste slaglam in die land aan te wys. Hoewel ‘n verskeidenheid praatjies, demonstrasies en aktiwiteite deur die Abenab-boerevereniging aangebied word, is die doel van die dag liefdadigheid en natuurlik plattelandse pret. Al die lammers wat vir die kompetisie ingeskryf word, se vleis word aan ouetehuise landswyd geskenk. Kosmos 94.1 nuus het met die voorsitter van Abenab Boerevereniging, Francois Robbertse gepraat.