Langnaweek: Eerste padsterfte aangemeld

Die langnaweek het op ‘n tragiese noot begin met ‘n gru-ongeluk wat plaasgevind het net buite Otjiwarongo, ongeveer 5 kilometer op die B1-roete Suid na Okahandja. Inligting is nog skraps maar dit wil voorkom asof ‘n Toyota Landcruiser met ‘n tenkerwa gebots het. Daar is tot dusver een sterfgeval op die toneel bevestig met twee mense wat beseer is en afgevoer is hospitaal toe. Daar was nog ‘n ongeluk naby Brakwater en een naby Arandis. Geen verdere besonderhede is op hierdie stadium bekend nie.