Landelike elektrisifering vorder goed

‘n Projek van 10 miljoen Namibiese dollar om die Kongola na Masambo-kraglyn te vestig en die Masambo Laerskool in die Zambezi-streek te elektrifiseer, is voltooi. Die projek sou aanvanklik 3,62 miljoen dollar gekos het. Die pogings is in lyn met die lynministerie se breër doelwit om teen 2040 universele toegang tot elektrisiteit te bereik. Lynminister Tom Alweendo sê die elektrifisering van openbare geboue nader voltooiing, met ‘n fokus om skole en klinieke teen die einde van die 2025/2026-boekjaar met krag toe te rus. Voorbereidings is ook aan die gang om tien skole in vloedgevoelige gebiede in die Zambezi-streek te elektrifiseer teen ‘n koste van tot 14 miljoen dollar.