Lafenis met stap/draf geleentheid by Droombos

Adventures Trail Run bied Saterdag ‘n Kersfees Markdag Stap/Draf Avontuur Roeteloop by Droombos aan. Hardlopers van alle vlakke en vermoëns is welkom. Daar is twee kategorieë, ‘n 7 kilometer en ‘n 5 kilometer, wat op verskillende tye begin. Dit is ‘n wonderlike geleentheid vir die publiek om fiks en gesond te bly tesame met pret in die natuur. Deelnemers se registrasiefooi beloop 150 Namibiese dollar vir vroeë inskrywers en 100 dollar vir kinders onder 12. Deelnemers sal beloon word met ‘n medalje by die wenstreep. Die organiseerder, Francois Steynberg, gesels met Kosmos 94.1 Nuus oor hoe die publiek kan registreer.