Kwalifisering vir Brasiliaanse GP uitgestel weens reën

Motorsport: Kwalifisering vir die Sao Paulo Formule Een Grand Prix in Brasilië is tot vandag uitgestel nadat dit gister swaar gereën het op die Interlagos-baan. Na ‘n vertraging van twee uur sonder ‘n verbetering in die weer, en terwyl dit donker geraak het, het beamptes besluit die uur-lange sessie kan nie voortgaan nie en dit na die oggend van die wedren verskuif. Die vroeëre snelren is in droë toestande afgehandel, asook Vrydag se oefen- en snelren kwalifiserende rondes. Nog reën word vir vandag voorspel.